بسمك اللهم منزل سورة الاحقاف والاعراف منزل نون قاف كاف هاء ياء عين صاد
عالم سر العباد مهلك فرعون ذو الاوتاد عاد هل ارمذات من بنوا صخرن بواد
جيت لاني حي لاني ميت بين اقبلت بين اقفيت حط البيت تلو البيت واشد القياد
جيت للحفلة عدي شهلول هملول بردي قامت يدي تصفق يدي طبيعي لاجيت ابغى القصيد
جيت من ظلما قبر بالحفل ما جاني خبر لعيون امير من ملوك اهل الوبر واهل المدر
مازهمني غير بدر الشمري في الخامسه عصرن وجيت اجري جري بمر العزيز المقتدر
جيت خير وجيت شر وسر وضر وحلو وبرد ومر انفذ الايعاز لليمين در
في مثل لمح البصر جيت حفل ابو خالد ونعم الحفيد
في سباق اليوم شفت الخيل خض بليل راس وذيل قوم وقوم مابين النيازك والنجوم
من رمك سوغزت سمك تفتح فمك راسن عطى ايديه تقول سابح يبي يعوم
وكنت اتابع حمرها مع شقرها جيشن من الرومان قابل من غزاه الترك قوم اثر قوم
من هشقر تقل مشروب خولاني اشقر صخرتن في الواد عنقر بل وذو عزم شديد
يقبل قباله شجاع ويقفي قفايه جبان وكن ساقه في مساقه صولجان
ماتنشر الا رسولن جاي يبشر تل سرجه فوق مرجه حول درجه طيلسان
لاعقاب ولا نعامه لاقطاة ولا حمامه مثل ابو زيد السلامه لنتهض وسط المكان
اسمه المرسول لاصهل كنه يقول انا هنا الهوج الوحيد
الله اكبر والله اكبر والله اكبر والله اكبر والله اكبر تصغر القاله وتكبر يابدر علم بدر
والله اكبر والله اكبر والله اكبر والله اكبر والله اكبر يزبن العايل ويدبر كل فوق وله مدر
شاعر ضابط مظلي مهندس ملي بملي اعبد المولى واصلي ولا طلبت الجن در
جت بي امي في رماده وارضعتني في حماده يا نمير بن(ا)عباده جدي الشاعر لبيد
من وانا حي نسوني وفي عباتي كفنوني هل اذا مت اذكروني لا ورب العاديات
لا ورب العاديات الضبح رب النازعات الغرق رب الناشطات النشط رب السابقات
والله لو عندي فراغ ان قد رسمت الشعر صاغ وجبت ما لا جابه(و)اهل العصورالماضيات
مير اشغلني الزمان وضرب أنس عند جان وعشرة راحت ثمان وصرف عباد عبيد
شاعر من خلقته ما قد شحذ بالشعر قرش ولا طلب في الارض عرش يموت قبل يقول (ابي)
من خلق ما شال هم الا ثنين ابا وأم الموت عنهم بعد (كم)ورضاهم اقصى مطلبي
ولا هالدنيا متاع فرحتين ثم وداع القبر باع في ذراع ولا جهله الا غبي
نفخ صور ثم نشور من قبور ثم سعادة او دبور المسعد اللي ذالك اليوم(ا) سعيد
الخميس مارس 20, 2008 10:33 pm
