السلام عليكم ..
وهذا عباره عن اجتهاد مني اقدم لكم قصايد الشاعر ناصر الفراعنه كتابه وفديو ..
اول قصيده الخيل ..
http://alqsed.com/almlyon2/ksa-ryath...ah-al5el-m.3gpبسمك اللهم منزل سورة الاحقاف والاعراف منزل(ن) (قاف)(كاف,ها,يا,عين,صاد)
رب صاد ومهلك فرعون ذو الاوتاد عاد هل ارم ذات العماد ومن بنوا صخرا بواد
جيت لا حي ولاني ميت بين اقبلت بين اقفيت احط البيت تلو البيت واشد القياد
جيت للحفل اعدي شهلول هملول بردي قامت يدي تصفق يدي طبعي لجيت ابغى القصيد
جيت من ظلما قبر بالحفل ما جاني خبر لعيون امير من ملوك اهل الوبر واهل المدر
ما زهمني غير بدر الشمري في الخامسة عصرا وجيت اجري جري بامر العزيز المقتدر
جيت خير وجيت شر سر ضر وحلو مر وبين كر وبين فر انفذ الايعاز الى اليمين در
في مثل لمح البصر جيت العصر في حفل ابن خالد حفيد القائد الوالد ولا نعم الحفيد
في سباق اليوم شفت الخيل خضب ليل راس وذيل قوم وقوم ما بين النيازك والنجوم
يا رمك زوغة سمك لا شفتها تفتح فمك غوج عطا راسه تقول يدين سابح منديال جا بيعوم
كن تتابع حمرها مع شقرها جيش من الرومان قابل من غزاة الترك قوم
وشفت منها اشقر تقل مشروب خولاني اشقر صخرة في راس عنقر بل وذو عزم شديد
يقفي قفاية جبان ويقبل قبالة شجاع وكن ساقه في سياقه من مساقه صولجان
لا تنشر ما تقول الا رسول جا يبشر كن سرجه فوق مرجه حول درجه طيلسان
لا عقاب ولا حمامة لا قطاة ولا نعامة مثل ابو زيد سلامة لاانتهض وسط المكان
اسمه المرسول كنه بموية التبر مغسول اليا صهل كنه يقول:انا هنا الغوج الوحيد
الله اكبر والله اكبر تصغر القالة وتكبر يكسر العايب ويجبر يا بدر علم بدر
الله اكبر والله اكبر يقبل العايل ويدبر يبتلى المسلم ويصبر كل فوق له حدر
شاعر ضابط مظلي مهندس ملي بملي اعبد المولى واصلي ولا طلبت الجن در
جت بي امي في رماده وارضعتني في حماده يا نمير بن(ا)عباده جدي الشاعر لبيد
من وانا حي نسوني وفي عباتي كفنوني هل اذا مت اذكروني لا ورب العاديات
لا ورب العاديات الضبح رب النازعات الغرق رب الناشطات النشط رب السابقات
والله لو عندي فراغ ان قد رسمت الشعر صاغ وجبت ما لا جابه(و)اهل العصورالماضيات
مير اشغلني الزمان وضرب أنس عند جان وعشرة راحت ثمان وصرف عباد عبيد
شاعر من خلقته ما قد شحذ بالشعر قرش ولا طلب في الارض عرش يموت قبل يقول (ابي)
من خلق ما شال هم الا ثنين ابا وأم الموت عنهم بعد (كم)ورضاهم اقصى مطلبي
ولا هالدنيا متاع فرحتين ثم وداع القبر باع في ذراع ولا جهله الا غبي
نفخ صور ثم نشور من قبور ثم سعادة او دبور المسعد اللي ذالك اليوم(ا) سعيد
شيله ملوك الجن
http://alqsed.com/almlyon2/ksa-ryath...lok-algn-m.3gpدمي عليا من الثرايا غانيه
بالامس ما ابكاك قد ابكانيه
لصبيتن من ال بيت محمد"ن"
ادرتك اسرار الثرى في ثانيه
وقرعت ابواب السماء مهللا
وهتكت اشتار الملوك علانيه
عرفت ملوك الجن ريح عمامتي
ونكحت منهم سبعتن وثمانيه
ودفنت قرطن في صفيحه قرمدن
وشربت من دم الصواع بانيه
وتركت في وادي السماوه امتن
لم يغني شئ عنهم سلطانيا
الحلقه في الـ48
قصيده في سلطان
http://alqsed.com/almlyon2/mr7la-3/fra3na1.3gpياسلام الله سلام الله ع عامر بيوت الله ع سلطان سلطان الصخى طير الفلاح
عد من غرد وغناء عد من شيد وبناء عد ما منا ومنا عد كل صوحن وصيح
الامير القائد الوالد سليل ائمه المجد الخوالد له بسطنا كل راحن جنب راح
ذاك ابو خالد سليل ملوك نجد اهل الشرف والمجد من ذره هل العوجاء مطره الصفيح
في ذرى دار قرار شادها عبد العزيز الحرّ من وكر الحرار مْروّية شهب الرماح
ما حكها ابن الملوك الا عقب ممشى بشوك وشلّ ابوك وحطّ ابوك وكلْ نطيح له نطيح
ناقتي ياناقتي
http://alqsed.com/almlyon2/mr7la-3/fra3na2.3gpناقتي ياناقتي لارباع ولاسديس
وصليني لابتي من وراءهاك الطعوس
حائلاً رابع سنه من خيـار العيـس عيـس
خفها لادرهمـت كنـه بالنـار محسـوس
في دجى خالي خـلا لاحسيـس ولانسيـس
تنوخذ من شدة البـرد طقطقـة الظـروس
في عيوني يكفخ الطيـر ويطيـح الفريـس
وانتهض جساس من دون خالته البسـوس
وفي خفوقي فرخ جنيتاً يضـرس ضريـس
يوم اوردها هجـوس واصدرهـا هجـوس
ديرتي دار ابن ضاري وابن غثلـم جريـس
ديرة اللي دوجوا في فيافـي نجـد جـوس
ديرتـي يابنـت شيخـاً ومعدنهـا نفيـس
عيطموسـاً دونهـا دثرتنـي عيطـمـوس
جادلاً مطرق جسدها مـع الغربـي يميـس
طينتاً من تربـة الخلـد والـدم محمـوس
نقشت خمساً من الخمس في يوم الخميـس
ليـت شعـري مـا ارادت بهـذا دختنـوس
كـم تمنـا إن معـه مثلهـا فتنـه بليـس
كان يمكن قد قلب نصـف إمتنـا مجـوس
كن دماث الصدر منهـا كنيسـه او كنيـس
صومعة رهبـان ديـراً يـؤدون الطقـوس
آتقـوس مـع تقـوس نواهدهـا وإقيـس
قبتين قاب قوسيـن قوسـاً جنـب قـوس
خصرها يحكي لنـا واقـع القـوم التعيـس
وردفها عن غطرسة بوش يعطينـا دروس
وبالرغم من قصرهـا مايجالسهـا جليـس
تصبح أطول نسوة الارض في وضع الجلوس
العروسه ماتبي غير ابـو تركـي عريـس
العروسه نجد ماهيـب حـي الله عـروس
نجد بنت المجـد ونسـة مونسـة الونيـس
ماعسفها الا معزي ضحى اليـوم العبـوس
كل اهل نجد هلي من إجاء حتـى الخميـس
في ذراهم بالتجي عـن مجففـة الرسـوس
وعيشتي مابين أسوداً ولـو مانـي رئيـس
(خير من كوني رئيساً على شلقة تيـوس)
وليس عيباً إن خدعني بمكـره كـل هيـس
لان مايفهم بمكـر الهيـوس الا الهيـوس
مصطفى في مأدبـة عمـه البابـا لويـس
كبر اللقمه تحت ضـؤ حمـراء الكـؤوس
وطسم حدتها على حائـط المبكـى جديـس
يوم شقـت ثوبهـا بنـت عفـار شمـوس
سيدة هـاك القصـر أسمهـا الاول لميـس
دونها سمر الحناجـر بترهـا حـد مـوس
قسقسـة لاحرارهم.قيس.قيس.قيس.قيـس
والبستهم مـن مهانتهـم انـواع اللبـوس
بين خدعة كعـب اخيـلاً ومولـد ادونيـس
درسونـا الالهـه والمـدرس هنـا روس
ويش لاقوا من قناة السويس اهل السويـس
وويش لاقوا من تلمسان قوماً من سنـوس
كلهم من شـدة الجـوع راحـوا خندريـس
بين غيبوبة مخدر وصحوة عـرق سـوس
ثـورة راحـوا سببهـا بتـوع الاتوبيـس
وش نبي فيها وهـي ماتهـز الا الغـروس
آفة المرء اثنتان الف كـاس وحـب كيـس
والنفوس اليا بغيت اتعرفهـا ارم الفلـوس
ينكشف زيف الشعارات الى حمي الوطيـس
ترجع الاذناب إذناب وتبقـى الـروس روس
صدق لاقال العرب مايحوص الا الخسيـس
ولايوط الروس شئياً مثل ضعـف النفـوس
قصيده في مرحله الـ 24
سلام دلوخ
http://alqsed.com/almlyon2/mlyon-24-4/fra3nah.3gpفـي فـوادي مـن حطـب شيـخٍ ضيوفـه شـيـوخ
جـمـرةٍ يـغـري سـنــا نـارهــا أكـبــر مـوبــذان
مـــن جـنــونٍ دوخـتـنــي وعــيــت لا تــــدوخ
والمـجـنـن زادوا جـنـانـهـا الـسـابــق جــنــان
ليـت شعـري أيــن أمـسـت مـلـوكٍ مــن تـنـوخ
عـــودت أحـداثـهـم مــــن أحــاديــث الــزمــان
يـامـرقـصـة الـجـمــل يـامـقـرنـسـة الــفـــروخ
مــن طـمـان نفوسـكـم نازلـيـنٍ فـــي الـطـمـان
عـالــمٍ لـبـسـوا ثـيــاب الـدهــاة وهـــم دلـــوخ
أوردتـهـم حـــوض فـرعــون قـفــزه بـهـلـوان
لا نـجـوا مــن فــخ طـاحـوا بـــآلاف الـفـخـوخ
عشرهم فـي مجلـس العـم سـام أضحـت ثمـان
وشرهة الطوخي على من حضر من أهل طوخ
لأنتصـب حــد السـنـان إرتـخـى حـبـل العـنـان
فـي حضـور المسـخ الأكبـر تعشتـنـا المـسـوخ
وأردفـونـا فــي ظـهــر بكـرتـيـنٍ مـــن عـمــان
العـوض فـي قبـة البيـت الأقصـى بـيـت كــوخ
وكــل حـربـة عــود زانٍ عوضـهـا عــود بــان
لا بــدا الخـافـي وبـاخـت عـلـوم الـقـوم بـــوخ
للـمـذلـه فـــي وجـــه ربـهــا شــاهــد عــيــان
صفعـةٍ فـي الخـد مــع ضربتـيـنٍ فــي النـفـوخ
روعـت خورشيـد باشـا وهـو فــوق الحـصـان
ماجـنـه تحـمـل يـداهــا تـســع حـبــات خـــوخ
سـرهـا عـنـد آل حـسـان والـبـيـض الـحـسـان
مــن كـبـر شــرخٍ معـانـا تصاغـرنـا الـشـروخ
نـدرق فـي القـرع مــع كــل قـرعـة صولـجـان
الـسـلام الـلـي يفـسـر لـنــا مـعـنـى الـرضــوخ
لـيـس إلا الـمـوت فــي كـفــنٍ مـــن طيـلـسـان
والشمـوخ اللـي عـلـى ذل لــو سـمـي شـمـوخ
المقـابـر مـنـه أعـظـم شــرف وأطـهـر مـكــان
الكـرامـه جـوخـةٍ مــن نفـيـس الـجـوخ جــوخ
ما تناسـب مـن قصـر بـه عـن الطـول الهـوان
واعـذابـي مــن يـنــوخ جـمــال هـذيــل نـــوخ
قـبـل لا يهـتـز مـــن سـاســه الـركــن الـيـمـان
الـطـعـون طـعــون يـالـلـي تسمـيـهـا مـشــوخ
ولا يـحـقـر ثـــاره إلا الـجـبـان بـــن الـجـبــان
ياحـفـرنـا عـدنــا لـيــن يـآتــي لــــه نــضــوخ
يــا ناديـنـا فــي خـبـر كــان يـامـا كــان كـــان
أمـــة مـــا للـقـيـم فـــي ضـمـايـرهـا رســــوخ
مـجـدهـا مـــاءٌ تـبـخـر عـلــى هـيـئـة دخــــان
كاهن الشرق ..
http://alqsed.com/almlyon2/mlyon-24-4/fra3nah-2.3gpع رجمه ساعه اعلق قدم رجلي ع رجمي
ياكاهن الشرق كلن عارفن حجمه
ياكاهن الشرق لا حجمك ولا حجمي
كفرت بالكوكب المزعوم وامن باللي رافعن نجمي
الالفه
http://alqsed.com/almlyon2/mlyon-24-4/fra3nah-3.3gpعلى الالف اولـف بخلـي مولـف
افرق بهـا اقـوام واقـوام اولـف
اديب شعـوا ليـن العظـم واللـف
الفه على حـرف حـرف ابجديـه
علـى البـا بغلبـا وصبيـان غلبـا
بلا مـا بـلا القلـب مبـروم غلبـا
بلا سبـق طيـر بـلا وسـق غلبـا
بنيـه ونـيـه سـواتـي مطـيـه
على الدا دوا الدا من الـدا ياباالـدا
دوا الدا من الـدا هـو الـدا يبـدا
دوا فـي سهـود النهـود المـبـدا
ودوا في مهـود الخـدود ضحويـه
ان قلت سولف لي
http://alqsed.com/almlyon2/mlyon-24-4/fra3nah-4.3gpان قلت سولف يسولف لي بتسبيلة وان قلت بالله يقسم لي بسلهامة
يا ويل حيٍّ تولّع فيه يا ويله كم من شهر مرّ لا صامه ولا قامه
حيٍّ يشوفه وشاف الرمش يومي له ادخل على الله كيف تشيله عظامه؟
مجلس التعاون
http://alqsed.com/almlyon2/mlyon-24-4/t3awn-fra3nah.3gpيا مجلسن لجل التعاون جمع اسياد ست دول
يا .. يا .. من ست جواهر جمعها سلك واحد فقط
انا ابنكم منكم وفيكم واطلبكم وكلي امل
ثلاث لا اكثر وعذرا اذا به شئ سهوا سقط
اليا متى نحمل جوازات وحنا شعب واحد واهل
حطوا تحتها خط والحرف خطوا فوقه اربع نقط
واليا متى العمله على ما يقولون الف شكل وشكل
الا اليا الوحده ع اليسرى وحده صح او غلط
والثالثه نبغى مفاعل ولا هو صعب الا سهل
والعذر من صهيون واسع ولا نرضى بحل وسط
هذا مفاعل ابوشهر تم انشاءه وش الي حصل
............................ < غير واضح الشطر الاخير
الفخر
http://alqsed.com/almlyon2/mlyon-24-4/f5r-fra3na.3gpفي قياده سيد الجود حفاظ العهود
بفتخر لا قل رايح للغربي رعد
سيدي بحر النداء لاغدن البيض سود
وافتخاري فيه ما جاء كذا ركدت وتد
سيدي سلطان لاحق عود راس عود
حامي القطرين بالتاج في عليه معد
تسن عينه ليا نخيته يقول ارقى سنود
تسن كفه لا نصيته تقول اطلب تجد
كيف مفخر في فعول اعظم اهل ارض جود
الولد من قائده في غد او بعد غد
باختصار لان مافي كثر الحتسي فود
مثل ابو خالد ع الارض لم يولد بعد
حلقه اصحاب التصويت
قصيده في الشيخه فاطمه - ام الشيوخ
http://alqsed.com/almlyon2/mlyon-7/fra3nah-fa6mah.3gpكل رجال عظيم تجد خلفه مره
وفاطمه من خلف زايد على مر السنين
في وفاها كل شعره
من شعرها والوفاء من سمات الصالحين
قاسمتها المر والحلو من كل شجره
وكافحت معها الليالي كفاح الصامدين
لولا امر الله من يمنعه او يقهره
فدته بروحها من يسار ومن يمين
فاطمه يا ام الامارات يا اعظم مره
والله انك امي الثانيه لو تعلمين
دثريني يامنيره زمليني يامنيره
http://alqsed.com/almlyon2/mlyon-7/fra3nah.3gpدثريني يامنيره زمليني يامنيره
يامنيره في فوادي فرخ عبدٍ طق زيره
من هنوفٍ صوبها راع الهوى يشعب بعيره
سيدة سادات قومٌ سادةٌ أبناء ساده
من بهاها يامنيره ويش أوصف ويش أخلي
في جبين الطهر منها بدر سبتين متجلي
هالةٍ دون المصلى أخلفت وجه المصلي
في محاجرها عقيد القوم يومي به جواده
الحجاج هلال ماهو في أهلتنا مقيّد
من يشوفه قبل لا يبدي هلال العيد عيّد
لا متى والموت حدر رموشها السود يتصيد
لا متى ذبح البشر عند العيون السود عاده
دوب يانع وردها في روض لبتها تفتق
في سحر منطوقها صرفٍ من الراح المعتق
وكن ظفايرها على الغره ليا قامت تنتق
خدم أسودٌ وقوفٌ حو ل بنت البيه غادهٌ
ياوجودي يالزباد الزبد يالبيض المقشر
يوم حازت من أمامي عمد وأحمر المؤشر
ما أنا إلا أخـو عــقــمٍ بمــولودٍ مبشــر
من سروري يوم أعانق طيفها فوق الوساده
كن أصابعها من العناب أو بسرٍ عراقي
أو غلا أحشامٍ مجفف أو قناني خمر ساقي
وكن ترايبها صحاف الترك حمران الطواقي
في سنا نور رقبتها ذابت أكثر من قلاده
فتنةٍ من شافها في جو سابع عرش عرّش
كاد ناعم ثوبها في جسمها الغض يتحرّش
مرحبا يامرحبا يامرحبا بالطش والرش
بالحرير الحر والغرو الغرير الغر عاده
كل ما تكبر تزين وكل ما تقدم تجدد
كن نحرها من وراء بوابة الثوب يتهدد
حجم ناحل خصرها في ردفها لاجيت أحدد
حجم نقطة نون داخل نون ما تقبل زياده
بين خصرٍ إشتراكيٍ وردفٍ رأسمالي
ويل ويلي شيب عيني طر جيبي ويل حالي
كل غضٍ في نحرها شايفٍ نفسه معالي
والثنينين بصراحه يستحقون الإشاده
كن عايم صدرها في وقفته قرمٍ ينادي
في خضم المعركه هل من مبارز أو معادي
من غروره يعتبر كل ما نقوله فيه عادي
يامصابيح الرواهب من بياضه في سواده
من مزاج الزنجبيله في شفاه السلسبيله
أورد الساعي كليبٌ حتفه نظم الجليله
جمرةٍ في روح تمره ضيعت أبو دليله
قايدٍ حاذاه قايد ريم وأنساه القياده
من ليونتها كأن ماله ولا عظمٍ جسدها
ومن نعومتها تخاف خدودها من لمس يدها
ومن كثر ما مشيها جذاب ما تمشي وحدها
ومن كثر ما جلدها صخيفٍ تحب اللبس ساده
ويش يسوى المسك وأبو المسك مع ريحة عرقها
يوم ذبت شالها وأهتز في ال ملعب حلقها
ما كأن الله مثل باقي مخاليقه خلقها
فتنةٍ كانت طقوس القصر تعبدها عباده
دثريني يامنيره زمليني يامنيره
يامنيره في فوادي فرخ عبدٍ طق زيره
من هنوفٍ صوبها راع الهوى يشعب بعيره
سيدة سادات قومٌ سادةٌ أبناء ساده
قصيده المجاراه لقصائد الشاعر عبدالله الرشيد المغفور له باذن الله
http://alqsed.com/almlyon2/mlyon-7/mgarah-fra3nah.3gpغرون طمح يا حسين بين الصلاتين
يومن زوج البين ماهو تكانه
ياحسين انا ادخلته بوجهي نهارين
ينطر هله وانا مكاني مكانه
في ذمتي ياحسين ما شفت العين
زوله ولا حدث لساني لسانه
وفي ذمتي ياحسين لو شفته الحين
اني ما اعرفه لو بصملي بنانه
ماسولتي فيه نفسي ع الشين
ياحسين حسن الظن ربع الديانه
ما اشك في نفسي ولا ابدعج العين
لو هو من الروعه جعلني وزانه
ياحسين يوم الشك من عادت القين
الشك ماله مع اهل الطيب خانه
وماكل طيب يلقى منه اثنين
لين ما هاب الزمان بزمانه
فيه باقي قصائد لكن اب جيبها بعدين
الجمعة أبريل 11, 2008 5:34 pm